Қаріп:  A+  A A-
Қаз | Рус
 
Әкімшілік || Азаматтарды қабылдау кестесi

Азаматтарды қабылдау кестесi

Аудан әкiмiнiң, аудан әкiмi орынбасарларының, аудан әкiмдiгi әкiмiнiң аппаратының басшысының 2017 жылдың II тоқсанына арналған жеке және заңды тұлғалардың өкiлдерiн жеке қабылдау кестесi

Мемлекеттік органның атауы Азаматтар қабылдауын жүргізетін тұлғаның А.Ә.Т.. Азаматтардың қабылдауын жүргізетін тұлғаның лауазымы Қабылдаудың күні мен уақыты Мемлекеттік органның орналасқан орны Байланыс телефоны
«Солтүстік Қазақстан облысы Есіл ауданы әкімдігі әкімінің аппараты» коммуналдық мемлекеттік мекемесі Мұратбек Жапасұлы Әбішев Есіл ауданының әкімі Апта сайын, сәрсенбі күні сағ.11-00-ден бастап сағ.13-00-ге дейін Есіл ауданы Явленка с., Ленин к.,10         2-18-98 2-12-33
Әбілхан Қайназарұлы Бижанов Есіл ауданы әкімінің орынбасары Сәрсенбі Сағ.10-00-ден бастап сағ.13-00-ге дейін   Есіл ауданы Явленка с., Ленин к.,10 2-15-52 (қабылдау бөлмесі)
Қанат Қайырлыұлы Едіресов     Есіл ауданы әкімінің орынбасары Бейсенбі сағ.10-00-ден бастап сағ.13-00-ге дейін   Есіл ауданы Явленка с., Ленин к.,10 2-19-31 (қабылдау бөлмесі)
Еділ Мейрамұлы Тұтқышев Есіл ауданы әкімінің орынбасары Сейсенбі сағ.10-00-ден бастап сағ.13-00-ге дейін   Есіл ауданы Явленка с., Ленин к.,10 2-15-52 (қабылдау бөлмесі)
Александр Юрьевич Кравчук Есіл ауданы әкімдігі әкімінің аппаратының басшысы Жұма сағ.10-00-ден бастап сағ.13-00-ге дейін   Есіл ауданы Явленка с., Ленин к., 10 2-19-31 (қабылдау бөлмесі)

Аудан әкiмiнiң, аудан әкiмi орынбасарларының, аудан әкiмi аппарат басшысының 2017 жылдың I тоқсанына арналған жеке және заңды тұлғалардың өкiлдерiн жеке қабылдау кестесi

Аудан әкiмiнiң, аудан әкiмi орынбасарларының, аудан әкiмi аппарат басшысының 2016 жылдың IV тоқсанына арналған жеке және заңды тұлғалардың өкiлдерiн жеке қабылдау кестесi

Аудан әкiмiнiң, аудан әкiмi орынбасарларының, аудан әкiмi аппарат басшысының 2016 жылдың II тоқсанына арналған жеке және заңды тұлғалардың өкiлдерiн жеке қабылдау кестесi

Аудан әкiмiнiң, аудан әкiмi орынбасарларының, аудан әкiмi аппарат басшысының 2016 жылдың I тоқсанына арналған жеке тұлғаларды және заңды тұлғалардың өкiлдерiн жеке қабылдау кестесi

2015 жылдағы аудан әкiмiнiң, аудан әкiмi орынбасарларының, аудан әкiмi аппарат басшысы мiндетiн атқарушысының жеке және заңды тұлғалардың өкiлдерiн жеке қабылдау кестесi

2014 жылдағы аудан әкімінің, аудан әкімі орынбасарларының, аудан әкімі аппарат басшысы міндетін атқарушысының жеке және заңды тұлғалардың өкілдерін жеке қабылдау кестесі

2013 жылдағы аудан әкімінің, аудан әкімі орынбасарларының, аудан әкімі аппарат басшысы міндетін атқарушысының жеке және заңды тұлғалардың өкілдерін жеке қабылдау кестесі

Байланыс телефондары

2-15-01 — аудан әкiмiнiң қабылдау бөлмесi
2-15-52 — әкiм орынбасарларының қабылдау бөлмесi
2-12-33 — факстердi қабылдау


Жеке және заңды тұлғалардың өтiнiштерiн қарау тәртiбi туралы

Осы Заң жеке және заңды тұлғалардың қүқықтарын, бостандықтары мен заңды мүдделерiн iске асыру және қорғау мақсатында олардың өтiнiштерiн беру мен қарауға байланысты қоғамдық қатынастарды реттейдi.

1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады:

  1. арыз  — адамның өз құқықтары мен бостандықтарын немесе басқа адамдардың құқықтары мен бостандықтарын iске асыруда жәрдем көрсету туралы өтiнiшхаты не заңдардың және өзге де нормативтiк қүқықтық актiлердiң бұзылуы, өтiнiштердi қарайтын субъектiлердiң, лауазымды тұлғалардың жұмысындағы кемшiлiктер туралы хабарлама не олардың қызметiн сынау;
  2. иесi бүркемеленген өтiнiш — ол бойынша авторын белгiлеу мүмкiн емес, қолтаңбасы, оның iшiнде электрондық цифрлық қолтаңбасы, арыз берушiнiң почталық мекен-жайы жоқ өтiнiш;
  3. қайта жасалған өтiнiш — бiр тұлғадан бiр мәселе бойынша кемiнде екi рет келiп түскен:
    1. осының алдындағы өтiнiш бойынша қабылданған шешiмге шағым жасалған;
    2. егер бұрын жiберiлген өтiнiш келiп түскен уақыттан бастап белгiленген қарау мерзiмi өтiп кетсе, алайда арыз берушi жауап алмаған болса, оның уақтылы қаралмағаны туралы хабарланған;
    3. осының алдындағы өтiнiштi қарау және ол бойынша шешiм қабылдау кезiнде жiберiлген басқа да кемшiлiктер көрсетiлген өтiнiш;
  4. өтiнiш — өтiнiштi қарайтын субъектiге немесе лауазымды тұлғаға сауал немесе үн қосу;
  5. 5) өтiнiштердi қарайтын субъектiлер (бұдан әрi- субъектiлер) — мемлекеттiк органдар, жергiлiктi өзiн-өзi басқару органдары, мемлекеттiң қатысуы жүз проценттi құрайтын не мемлекеттiк тапсырыс және (немесе) мемлекетiк сатып алу шарттарына сәйкес тауарлар (жұмыстар, көрсетiлетiн қызметтер) ұсынатын, өздерiнiң құзiреттерiне сәйкес жеке және заңды тұлғалардың өтiнiштерi бойынша шешiмдердi қарауға және қабылдауға құқылы заңды тұлғалар;
  6. өтiнiштi есепке алу — өтiнiштi қабылдау және қарау жөнiндегi мәлiметтердi тiркеу және оларды мемлекеттiк құқықтық статистикалық есептiлiкте көрсету;
  7. өтiнiштi қабылдау-субъектiнiң, лауазымды тұлғаның жеке және заңды тұлғалардың өтiнiштерiн қабылдау жөнiндегi iс-әрекетi;
  8. өтiнiштi қарау — субъектiнiң, лауазымды тұлғаның тiркелген өтiнiшi бойынша қысқаша деректердi тiркеу және келiп түскен әрбiр өтiнiшке тiркеу нөмiрiн беру;
  9. сауал — адамның жеке немесе қоғамдық сипаттағы қызығушылық туғызатын мәселелер бойынша ақпарат беру туралы өтiнiшi;
  10. ұсыныс — адамның заңдарды және өзге де нормативтiк құқықтық актiлердi, мемлекеттiк органдардың қызметiн жетiлдiру, қоғамдық қатынастарды дамыту, мемлекет пен қоғамның әлеуметтiк-экономикалық және өзге де қызметi салаларын жақсарту жөнiндегi ұсынымы;
  11. үн қосу — адамның мемлекет жүргiзiп отырған iшкi және сыртқы саясатқа, сондай-ақ қоғамдық сипаттағы оқиғалар мен құбылыстарға өз көзқарасын бiлдiруi;
  12. шағым — адамның өзiнiң бұзылған құқықтарын, бостандықтарын немесе заңды мүдделерiн қалпына келтiру, лауазымды тұлғалардың заңсыз iс-әрекеттерiн немесе әрекетсiздiгiн жою, сондай-ақ субъектiлердiң заңсыз шешiмдерiнiң күшiн жою туралы талабы.

2-бап. Жеке және заңды тұлғалардың өтiнiштерiн қарау тәртiбi туралы Қазақстан Республикасының заңнамасы

  1. Жеке және заңды тұлғалардың өтiнiштерiн қарау тәртiбi туралы Қазақстан Республикасының заңнамасы Қазақстан Республикасының Конституциясына негiзделедi, осы Заңнан және Қазақстан Республикасының өзге де нормативтiк құқықтық актiлерiнен тұрады.
  2. Егер Қазақстан Республикасы ратификацияланған халықаралық шартта осы Заңда белгiленгеннен өзгеше ережелер белгiлесе, онда халықаралық шарттың ережелерi қолданылады.

3-бап. Осы Заңның қолдану аясы

  1. Осы Заңның күшi өтiнiштер берген жеке және заңды тұлғаларға, өтiнiштердi қарайтын субъектiлер мен лауазымды тұлғаларға қолданылады.
  2. Осы заңның күшi қарау тәртiбi Қазақстан Республикасының әкiмшiлiк құқық бұзушылық, қылмыстық iс жүргiзу, азаматтық iс жүргiзу туралы заңнамасында белгiленген жеке және заңды тұлғалардың өтiнiштерiне қолданылмайды.
  3. Егер Қазақстан Республиқасының заңдарында өзгеше көзделмесе, мемлекетттiк тапсырыс және (немесе) мемлекеттiк сатып алу шарттарына сәйкес тауарларды (жұмыстарды, көрсетiлетiн қызметтердi) ұсынатын заңды тұлғалар осы Заңға сәйкес аталған тауарларды (жұмыстарды, көрсетiлетiн қызметтердi) ұсыну мәселелерi бойынша өтiнiштердi қарайды.

4-бап. Осы Заңның принциптерi

Жеке және заңды тұлғалардың өтiнiштерiн қарауға байланысты құқықтық қатынастарды реттеудiң негiзгi принциптерi:

  1. заңдылық;
  2. өтiнiштерге қойылатын талаптардың бiрыңғайлылығы;
  3. жеке және заңды тұлғалар құқықтарының, бостандықтары мен заңды мүдделерiнiң сақталуының кепiлдiктерi;
  4. өтiнiштердi қарау кезiнде төрешiлдiк көрiнiстерiне және әуре-сарсаңға салуға жол бермеу;
  5. жеке және заңды тұлғалардың теңдiгi;
  6. субъектiлер мен лауазымды тұлғалар қызметiнiң өтiнiштердi қарау кезiндегi ашықтығы болып табылады.

5-бап. Қарауға жатпайтын өтiнiштер

  1. Мыналар қарауға жатпайды:
    1. мұндай өтiнiште дайындалып жатқан немесе жасалған кылмыстар туралы не мемлекеттiк немесе қоғамдық қауiпсiздiкке төнетiн қауiп туралы мәлiметтер бар және мемлекеттiк органдардың құзыреттерiне сәйкес оларға дереу жiберiлуге тиiс жағдайларды коспағанда, иесi бүркемеленген өтiнiш;
    2. мәселенiң мәнi баяндалмаған өтiнiш.
  2. Егер өтiнiштi қараусыз қалдыруға негiз болған жағдайлар кейiннен жойылса, субъект немесе лауазымды тұлға аталаған өтiнiштi қайта қарауға мiндеттi.

6-бап. Жазбаша өтiнiшке қойылатын талаптар

  1. Өтiнiш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс.
  2. Жеке тұлғаның өтiнiшiнде оның тегi, аты, сондай-ақ қалауы бойынша әкесiнiң аты, почталық мекен-жайы, заңды тұлғаның өтiнiшiнде — оның атауы, почталық мекен-жайы, шығыс нөмiрi мен күнi көрсетiледi. Өтiнiшке арыз иесi қол қоюы не ол электрондық цифрлық колтаңбамен куәландырылуға тиiс.
    Шағым жасалған кезде iс-әрекетiне шағым жасалып отырған субъектiнiң атауы немесе лауазымды тұлғалардың лауазымы, тегi және аты-жөнi, өтiнiш жасау себептерi мен талаптары көрсетiледi.
  3. Субъектiге тiкелей жазбаша өтiнiш жасаған арыз берушiге тiркелген күнi мен уақыты, өтiнiштi қабылдаған адамның тегi мен аты-жөнi көрсетiлген талон берiледi.

7-бап. Жеке және заңды тұлғалардың өтiнiштерiн қабылдау, тiркеу және есепке алу

  1. Осы Заңда белгiленген тәртiппен терiлген өтiнiштер мiндеттi түрде қабылдануға, тiркелуге, есепке алынуға және қаралуға тиiс.
    Өтiнiштi қабылдаудан бас тартуға тыйым салынады.
  2. Жеке және заңды тұлғалардың өтiнiштерiн есепке алу құқықтық статистика және арнайы есепке алу саласында өз құзыретi шегiнде статистикалық қызметтi жүзеге асыратын мемлекеттiк орган белгiлеген тәртiппен жүзеге асырылады.
  3. Жеке және заңды тұлғалардың өтiнiштерiмен жұмысты ұйымдастырудың, қабылдаудың, тiркеудiң және есепке алудың жай-күйi үшiн субъектiлердiң басшылары мен лауазымды тұлғалар дербес жауаптылықта болады.
  4. Өтiнiш жеке немесе заңды тұлғаның өкiлi арқылы енгiзiлуi мүмкiн. Өкiлдiктi ресiмдеу Қазақстан Республикасының азаматтық заңнамасында белгiленген тәртiппен жүргiзiледi.
  5. Жеке және заңды тұлғалардың жалпыға колжетiмдi ақпараттық жүйелер арқылы келiп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес түскен өтiнiштерi осы Заңда белгiленген тәртiппен қаралуға тиiс.
  6. Өтiнiште қойылған мәселелердi шешу құзыретiне кiрмейтiн субъектiге немесе лауазымды тұлғаға келiп түскен өтiнiш үш жұмыс күнiнен кешiктiрiлмейтiн мерзiмде бұл туралы арыз берушiге хабарлана отырып, тиiстi субъектiлерге жiберiледi.

8-бап. Өтiнiштi қарау мерзiмдерi

  1. Қарау үшiн өзге субъектiлерден, лауазымды тұлғалардан ақпарат алу не жергiлiктi жерге барып тексеру талап етiлмейтiн жеке және (немесе) заңды тұлғаның өтiнiшi күнтiзбелiк он бес күн iшiнде қаралады.
  2. Қарау үшiн өзге субъектiлерден, лауазымды тұлғалардан ақпарат алу не жергiлiктi жерге барып тексеру талап етiлетiн жеке және (немесе) заңды тұлғаның өтiнiшi субъектiге, лауазымды тұлғаға келiп түскен күнiнен бастап күнтiзбелiк отыз күн iшiнде қаралады және ол бойынша шешiм қабылданады.
    Қосымша зерделеу немесе тексеру жүргiзу қажет болған жағдайларда қарау мерзiмi күнтiзбелiк отыз күннен аспайтын мерзiмге ұзартылуы мүмкiн бұл туралы қарау мерзiмi ұзартылған кезден бастап күнтiзбелiк үш күн iшiнде арыз берушiге хабарланады.
  3. Өтiнiштi қарау мерзiмiн субъектiнiң басшысы немесе оның орынбасары ұзартады.
  4. Егер өтiнiште баяндалған мәселелердi шешу ұзақ мерзiмдi талап етсе, онда өтiнiш түпкiлiктi орындалғанға дейiн қосымша бақылауға койылады, бұл туралы күнтiзбелiк үш күн iшiнде арыз берушiге хабарланады.
  5. Қазақстан Республикасының заңдарында өтiнiштердi қараудың өзге де мерзiмдерi белгiленуi мүмкiн.

9-бап. Жеке және заңды тұлғалардың өтiнiштерiн қарау

  1. Субъектiлер мен лауазымды тұлғалар өз құзыретi шегiнде:
    1. жеке және заңды тұлғалардың өтiнiштерiн объективтi, жан-жақты әрi уақтылы, қажет болған жағдайда олардың қатысуымен қарауды қамтамасыз етедi;
    2. жеке және заңды тұлғалардың бұзылған құқықтары мен бостандықтарын қалпына келтiруге бағытталған шараларды қабылдайды;
    3. арыз берушiлерге олардың өтiнiштерiн қарау нәтижелерi мен қабылданған щаралар туралы хабарлайды;
    4. арыз берушiлерге олардың өтiнiштерi өздерiнiң құзыретiне сәйкес басқа субъектiлерге немесе лауазымды тұлғаларға қарауға жiберiлгенi туралы хабардар етедi.
  2. Мемлекеттiк немесе заңмен қорғалатын өзге де құпияны қамтитындарды коспағанда, өтiнiштердi қарау үшiн маңызы бар актiлер, құжаттар мен басқа да материалдар өтiнiштердi тiкелей қарайтын субъектiлерге немесе лауазымды түлғаларға күнтiзбелiк он бес күн iшiнде берiледi.
    Жеке және заңды тұлғалардың құқықтарына, бостандықтары мен заңды мүдделерiне нұқсан келтiру, заңды әлденеше рет немесе өрескел бұзушылықтар туралы өтiнiштер субъект басшысының тапсырмасы бойынша жергiлiктi жерге барып тексерiлуi мүмкiн.
  3. Өтiнiштердi қарау нәтижелерi бойынша мынадай шешiмдердiң бiрi қабылданады:
    1. өтiнiштi толық немесе iшiнара қанағаттандыру туралы;
    2. осындай шешiм кабылдауды негiздей отырып, өтiнiштi қанағаттандырудан бас тарту туралы;
    3. өтiнiштiң мәнi бойынша түсiнiк беру туралы;
    4. өтiнiштi қарауды тоқтату туралы.
  4. Бiр тұлғаның мүддесi үшiн бiр мәселе бойынша бiрнеше өтiнiш келiп түскен кезде бiрiншi өтiнiш негiзгi өтiнiш ретiнде тiркеледi, ал кейiнгiлерi негiзгi өтiнiшке қоса тiркеледi және бiрiншi өтiнiш келiп түскен күннен бастап есептелетiн белгiленген мерзiм шегiнде оларды шешудiң нәтижелерi туралы арыз берушiлерге хабарлана отырып, бiр өтiнiш ретiнде қаралады.

10-бап. Өтiнiштерге берiлетiн жауаптар

  1. Өтiнiштерге берiлетiн жауаптар Қазақстан Республикасының заңнамасына сiлтеме жасай отырып, мазмұны бойынша негiзделген және дәлелдi, мемлекеттiк тiлде немесе өтiнiш берiлген тiлде болуға, арыз берушiнiң қабылданған шешiмге шағым жасау құқықтарын түсiндiре отырып, оның дәлелiн жоққа шығаратын немесе растайтын нақты деректердi қамтуға тиiс.
  2. Қандай да бiр ұсынымдар, талаптар, өтiнiшхаттар, өтiнiш айтулар болмаған кезде өтiнiштер назарға алынады және оларды субъектiнiң басшысы немесе оның орынбасары iске жабады.

11-бап. Өтiнiштердi қарауды тоқтату

  1. Егер қайта жасалған өтiнiштерде жаңа дәлелдер немесе жаңадан анықталған мән-жайлар келтiрiлмесе, ал осының алдындағы өтiнiштiң материалдарына тексерудiң егжей-тегжейлi материалдары бар болса және арыз берушiлерге белгiленген тәртiппен жауаптар берiлсе, өтiнiштердi қарау тоқтатылады.
  2. Өтiнiштердi қарауды тоқтату туралы шешiмдi субъектiнiң басшысы немесе оның орынбасары қабылдауға құқылы.

12-бап. Өтiнiштердi қарау нәтижелерi бойынша қабылданған шешiмдерге шағым жасау

Лауазымды тұлғалардың iс-әрекеттерiнен (әрекетсiздiгiне), сондай-ақ субъектiнiң шешiмдерiне бағыныстылық тәртiбiмен жоғары тұрған лауазымды тұлғаға немесе субъектiге, жеке немесе заңды тұлғаға тиiстi субъектiнiң немесе заңды тұлғаның iс-әрекет жасағаны не шешiм қабылдағаны туралы белгiлi болған кезден бастап, үш айдан кешiктiрмей шағым берiледi. Шағым беру мерзiмiнiң өтiп кетуi субъектi немесе заңды тұлға үшiн шағымды қараудан бас тартуға негiз болып табылмайды. Шағым беру мерзiмiнiң өтiп кету себептерi шағымды мәнi бойынша қарау кезiнде анықталады және шағымды қанағаттандырудан бас тартуға негiздердiң бiрi болып шығуы мүмкiн.

Жоғары тұрған лауазымды тұлға немесе субъект болмаған не арыз берушi қабылдаған шешiммен келiспеген жағдайда арыз тiкелей сотқа берiледi.

13-бап. Жеке тұлғаларды және заңды тұлғалардың өкiлдерiн жеке қабылдау

  1. Мемлекеттiк органдардың, жергiлiктi өзiн-өзi басқару органдарының басшылары және олардың орынбасарлары айына кемiнде бiр рет тиiстi мемлекеттiк органның басшысы бекiтетiн қабылдау кестесiне сәйкес азаматтарды және заңды тұлғалардың өкiлдерiн, оның iшiнде осы органдардың қызметкерлерiн жеке қабылдауды жүргiзуге мiндеттi.
  2. Қабылдау белгiленген әрi жеке және заңды тұлғалардың назарына жеткiзiлген күн мен сағатта жұмыс орны бойынша өткiзiлуге тиiс.
  3. Егер өтiнiштi лауазымды тұлға қабылдау кезiнде шеше алмаса, ол жазбаша нысанда баяндалады және онымен жазбаша өтiнiш ретiнде жұмыс жүргiзiледi.

14-бап. Жеке және заңды тұлғалардың өтiнiштердi қарау кезiндегi құқықтары

Өтiнiш берген жеке не заңды тұлғаның:

  1. өз өтiнiшiн растау үшiн қосымша құжаттар мен материалдар беруге не оларды талап ету туралы сұрауға;
  2. өтiнiштi қарайтын адамға дәлелдерiн түсiндiруге;
  3. өзiнiң өтiнiшiн қарауға байланысты материалдармен танысуға, егер бұл басқа тұлғалардың құқықтарын, бостантықтарын бұзбайтын болса, өтiнiштi қарауға қатысуға;
  4. қабылдаған шешiм туралы жазбаша немесе ауызша нысанда дәлелдi жауап алуға;
  5. егер залал өтiнiштердi қараудың белгiленген тәртiбiн бұзудың салдарынан болса, оны өтеудi талап етуге;
  6. лауазымды тұлғалардың iс-әрекеттерiне (әрекетсiздiгiне) не өтiнiш бойынша қабылданған шешiмiне шағым жасауға;
  7. өтiнiштi қарауды тоқтату туралы өтiнiшхат беруге құқығы бар.

15-бап. Субъектiлердiң, және лауазымды тұлғалардың құқықтары мен мiндеттерi

  1. Субъектiлердiң, лауазымды тұлғалардың:
    1. өтiнiштердi белгiленген тәртiппен қарау үшiн қажеттi ақпаратты сұратуға және алуға;
    2. көрiнеу жалған мәлiметтерден тұратын өтiнiштердi тексеруге байланысты тартқан шығындарды өндiрiп алу туралы сотқа жүгiнуге құқығы бар.
  2. Субъектiлер мен лауазымды тұлғалар:
    1. осы Заңда белгiленген тәртiппен әрi мерзiмде жеке және заңды тұлғалардан өтiнiштер қабылдауға және оларды қарауға;
    2. заңды және негiзделген шешiмдер қабылдауға;
    3. қабылданған шешiмдердiң орындалуын бақылауды қамтамасыз етуге;
    4. жеке және заңды тұлғаларға қабылданған шешiмдер туралы жазбаша нысанда не электрондық құжат нысанында хабарлауға;
    5. жеке тұлғаларды, соның iшiнде заңды тұлғалардың мүддесiн танытушы тұлғаларға олардың қызметiн сынап не құқықтарын, бостандықтары мен заңды мүдделерiн қорғау мақсатында өтiнiш беруiне байланысты қудалаудың жолын кесуге;
    6. шағымдарды iс-әрекеттерiне (әрекетсiздiгiне) шағым жасалып отырған лауазымды тұлғалардың қарауына жiбермеуге;
    7. оларға қатысты мәселенi объективтi шешуге мүдделiлiк бiлдiрмейдi деп пайымдауға негiз болған адамдарға тексеру жүргiзудi жүктеу жағдайларын болғызбауға;
    8. өтiнiш берген немесе оның мүддесi үшiн өтiнiш берiлген адамға жеке және заңды тұлғалардың зиян келтiретiн өтiнiшiне жол бермеуге;
    9. жеке тұлғалардың, соның iшiнде заңды тұлғаның мүддесiн танытушы тұлғалардың келiсiмiнсiз олардың жеке өмiрi туралы мәлiметтердi немесе мемлекеттiк не заңмен қорғалатын өзге де құпияны құрайтын мәлiметтердi жария етпеуге; жеке тұлғаның жеке басы туралы өтiнiшке қатысы жоқ деректердiң анықталуына жол бермеуге;
    10. жеке және заңды тұлғалардың өтiнiштерiн, олардағы сын ескертпелердi талдауға және қорытуға, жұмысты жетiлдiру әрi жеке және заңды тұлғалардың шағымдарын туғызатын себептердi жою мақсатында қоғамдық пiкiрдi зерделеуге;
    11. жеке және заңды тұлғалардың өтiнiштерiн қарау жөнiндегi жұмыстың жай-күйiн жүйелi түрде тексеруге;
    12. құқықтық статистика және арнайы есепке алу саласында өз құзiретi шегiнде статистикалық қызметтi жүзеге асыратын мемлекеттiк орган белгiленген мерзiм мен көлемде келiп түскен, қаралған өтiнiштердiң саны мен оларды қараудың нәтижелерi туралы мемлекеттiк құқықтық статистикалық ақпаратты беруге мiндеттi.

16-бап. Жеке және заңды тұлғалардың өтiнiштерi бойынша iс жүргiзу

Жеке тұлғалардың өтiнiштерi бойынша iс-жүргiзу және заңды тұлғалардың өтiнiштерi бойынша iс жүргiзу Қазақстан Республикасының заңнамасында белгiленген тәртiппен iс жүргiзудiң басқа түрлерiнен бөлек жүргiзiледi.

17-бап. Жеке және заңды тұлғалардың өтiнiштерiн қарау тәртiбi туралы Қазақстан Республикасының заңнамасын бұзғаны үшiн жауаптылық

Жеке және заңды тұлғалардың өтiнiштерiн қарау тәртiбi туралы Қазақстан Республикасының заңнамасын бұзу Қазақстан Республикасының заңдарына сәйкес жауаптылыққа әкеп соғады.

18-бап. Осы Заңды қолданысқа енгiзу тәртiбi

  1. Осы Заң ресми жарияланған күннен бастап қолданысқа енгiзiледi.
  2. Қазақстан Республикасы Президентiнiң «Азаматтардың өтiнiштерiн қарау тәртiбi туралы» 1995 жылғы 19 маусымдағы №2340 заң күшi бар Жарлығының (Қазақстан Республикасы Жоғары Кеңесiнiң Жаршысы, 1995 ж., № 9–10, 71–құжат) күшi жойылды деп танылсын.

Қазақстан Республикасының
Президентi
Н. Назарбаев

Астана, Ақорда, 2007 жылғы 12 қаңтар
№221-III ҚРЗ

04.04.2017 10:25


Официальный сайт Президента Республики Казахстан Премьер-министр Казахстанаegov.kzАссамблея народа КазахстанаОфициальный интернет-ресурс Северо-Казахстанской областиIPOДКБ2020Алтын сапаӘділетМодернизация пенсионной системыКазконтентИновационные гранты EXPO Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Агентство Республики Казахстан по делам государственной службы и противодействию коррупции Защита бизнеса СКО
Яндекс.Метрика